Cinetollywood

సినిమా రివ్యూ: మాస్ట్రో

నటులు:నితిన్,నభా నటేశ్,తమన్నా,జిస్సు సేన్ గుప్తా,వి.కె.నరేశ్దర్శకుడు: మేర్లపాక గాంధీ

ఈ ఏడాది ‘చెక్‌’, ‘రంగ్ దే’ చిత్రాల‌తో అల‌రించిన హీరో నితిన్ మ‌రో సినిమాతో సంద‌డి చేయ‌డానికి సిద్ధ‌మ‌య్యారు. ఆ సినిమాయే ‘మాస్ట్రో’. బాలీవుడ్‌లో పెద్ద విజ‌యాన్ని సాధించిన అంధాదున్ చిత్రానికి ఇది రీమేక్‌. మేర్ల‌పాక గాంధీ ద‌ర్శ‌కుడు. నితిన్ సొంత నిర్మాణ సంస్థ శ్రేష్ఠ్ మూవీస్ సినిమాను నిర్మించింది. థియేటర్స్ విషయంలో క్లారిటీ లేని సమయంలో ఈ సినిమా ఓటీటీ డీల్ పూర్తి కావడంతో నిర్మాతలు ఈ సినిమాను డిస్నీ హాట్ స్టార్‌లో విడుదల చేశారు. హిందీలో, కళ్లు లేని యువ‌కుడిగా ఆయుష్మాన్ ఖురానా చేసిన పాత్ర‌లో నితిన్ ఏవిధంగా మెప్పించాడు? ఈ సస్పెన్స్ థ్రిల్ల‌ర్ ప్రేక్ష‌కుల‌ను ఆక‌ట్టుకుందా? లేదా? త‌మ‌న్నా గ్రే షేడ్స్ ఉన్నక్యారెక్ట‌ర్‌లో తొలిసారి ఎలా న‌టించింది? అనే విష‌యాలు తెలియాలంటే ముందు క‌థ‌లోకి వెళ‌దాం..

క‌థ‌:
గోవాలో ఉండే అరుణ్(నితిన్‌) ఓ పియానిస్ట్‌. త‌ను చేసే ప‌ని మీద ఫోక‌స్‌గా ఉండాల‌నే ఉద్దేశంతో క‌ళ్లు ఉన్న‌ప్ప‌టికీ చిన్న‌ప్పుడు జరిగిన ప్ర‌మాదంలో పోయాయ‌ని అబ‌ద్దం చెబుతాడు. క‌ళ్లు లేని వాడు ఎలా ప్ర‌వ‌ర్తిస్తారో అలాగే బిహేవ్ చేస్తుంటాడు. అంద‌రూ నిజ‌మేన‌నుకుంటారు. అరుణ్‌కు ఓ రోజు సోఫి(న‌భాన‌టేశ్‌) ప‌రిచ‌యం అవుతుంది. ఆమె అరుణ్‌ని ప్రేమిస్తుంది. అరుణ్ పియానోపై వాయించే మ్యూజిక్‌ను ఇష్ట‌ప‌డ్డ సీనియ‌ర్ న‌టుడు మోహ‌న్‌(వి.కె.న‌రేశ్‌), త‌న భార్య సిమ్రాన్‌(త‌మ‌న్నా)కు బ‌ర్త్ డే స‌ర్‌ప్రైజ్ ఇవ్వాల‌నుకుంటాడు. అందుకోసం తన ఇంటికి వ‌చ్చి ప‌ర్స‌న‌ల్‌గా మ్యూజిక్ ప్లే చేయాల‌ని కోరుతాడు. మోహ‌న్ కోరిక మేర‌కు అరుణ్ వాళ్లింటికి వెళ‌తాడు. అక్క‌డ మోహ‌న్ వెళ్లి చూస్తే మోహ‌న్ చ‌నిపోయి ఉంటాడు. అంద‌రూ అరుణ్‌కు క‌ళ్లు క‌న‌ప‌డ‌వ‌ని అనుకుంటారు. కానీ మోహ‌న్‌ను ఎవ‌రు చంపింది? ఎందుకు చంపారు? అనే విష‌యాల‌ను అరుణ్ గ‌మ‌నిస్తాడు. అప్పుడేం జ‌ర‌గుతుంది. సిమ్రాన్ ఎలాంటి ప్లాన్ చేసింది. హ‌త్య‌ను చూసిన అరుణ్ ఎలాంటి ప‌రిస్థితుల‌ను ఎదుర్కొంటాడు? చివ‌ర‌కు సిమ్రాన్ ఏమ‌వుతుంది? అనే విష‌యాల‌ను తెలుసుకోవాలంటే సినిమా చూడాల్సిందే.

విశ్లేష‌ణ‌:
రీమేక్ చేసే స‌మ‌యంలో ఒరిజిన‌ల్ క‌థ‌లో ఉండే సోల్‌ను క్యారీ చేయ‌డం ఎంతో ముఖ్యం. మ‌రి అంధాదున్ రీమేక్‌ను మాస్ట్రోగా చేసిన‌ప్పుడు ద‌ర్శ‌క నిర్మాత‌లు ఎలా చేశార‌నే వివ‌రాల్లోకెళ్తే.. హీరో నితిన్ గురించి ముందుగా చెప్పుకోవాలి. హీరో అంటే మాస్, క‌మ‌ర్షియ‌ల్ సినిమాలనే కాకుండా నితిన్ డిఫ‌రెంట్‌గా చేసిన సినిమాల్లో ఇదొక‌టి. న‌టుడిగా త‌న‌కు ప్ల‌స్ అయ్యే సినిమానే. ఇక సినిమాకు మ‌రో మెయిన్ పిల్ల‌ర్‌లాంటి పాత్ర‌ను త‌మ‌న్నా క్యారీ చేసింది. ఇప్ప‌టి వ‌ర‌కు హీరోయిన్‌గానే మెప్పిస్తూ వ‌చ్చిన త‌మ‌న్నా తొలిసారి గ్రే షేడ్స్ పాత్ర‌లో అద్భుతంగా న‌టించింది. హిందీలో టబు పాత్ర‌తో ఈమెను పోల్చ‌లేం కానీ.. పాత్ర‌ను ప్రేక్ష‌కుడికి క‌నెక్ట్ అయ్యేలా ఆమె చ‌క్క‌టి హావ‌భావాల‌తో చేసింది. హీరోయిన్‌గా న‌భాన‌టేశ్ కూడా త‌న పాత్ర‌కు న్యాయం చేసింది. సీనియ‌ర్ హీరోగా చేసిన వి.కె.న‌రేశ్‌, త‌మ‌న్నా సీక్రెట్ బాయ్‌ఫ్రెండ్‌గా న‌టించిన జిస్సుసేన్ గుప్తా, న‌రేశ్ కుమార్తెగా న‌టించిన అన‌న్య నాగ‌ళ్ల‌, జిస్సుసేన్ భార్య‌గా న‌టించిన శ్రీముఖి, సెకండాఫ్‌లో కీల‌కమైన పాత్ర‌ల్లో న‌టించిన మంగ్లీ, ర‌చ్చ‌ర‌వి, హ‌ర్ష‌వ‌ర్ధ‌న్ ఇలా అందరూ వారి వారి పాత్రలకు న్యాయం చేశారు. సాంకేతికంగా చూస్తే.. దర్శకుడు మేర్లపాక గాంధీ మాతృక‌ను చెడ‌గొడ్డ‌కుండా తెలుగువారికి క‌నెక్ట్ అయ్యేలా సినిమాను ముందుకు తీసుకోవ‌డంలో స‌క్సెస్ అయ్యారు. మాతృక‌తో పోల్చితే చిన్న చిత‌క మార్ప‌లు తప్ప మ‌రేం క‌న‌ప‌డ‌దు. ఒరిజిన‌ల్‌లో గ్రిప్ మిస్ కాకుండా, పాట‌ల‌ను మిక్స్ చేసి క‌థ‌ను న‌డిపించ‌డంలో మేర్ల‌పాక గాంధీ స‌క్సెస్ అయ్యారు. క‌థానుగుణంగా సింపుల్‌గా డైలాగ్స్ రాశారీయ‌న‌. ఇక సినిమాకు జె.యువ‌రాజ్ సినిమాటోగ్ర‌ఫీ ప్ర‌ధాన బ‌లంగా నిలిచింది. ప్ర‌తి ఫ్రేమ్ రిచ్‌గా క‌నిపించింది. మ‌హ‌తి స్వ‌ర‌సాగ‌ర్ అందించిన పాట‌ల్లో అన‌గ‌న‌గ‌న‌గా.. పాట ఓకే మిగిలిన పాట‌ల‌న్నీ అంత‌గా మెప్పించ‌వు. బ్యాగ్రౌండ్ స్కోర్ బావుంది. హిందీలో అంధాదున్ సినిమా చూసిన ప్రేక్ష‌కుల‌కు సినిమా ఓకే అనిపిస్తుంది. కానీ చూడ‌ని వారికి సినిమా బావుంద‌నిపిస్తుంద‌న‌డంలో సందేహం

Cine Tollywood provides latest movie news, ploitical news, cinema entertainment news, latest tollywood trailers, videos, gossips and gallery in the state of Telangana, Andhra Pradesh and near by regions. Get all the latest movie updates and reviews on your favourite telugu movies. Also find more information on box office collections.