నేడు (డిసెంబర్ 14) రానా బర్త్ డే. ఈ సందర్బంగా భీమ్లా నాయక్ నుంచి రానా పాత్రకు సంబంధించిన వీడియోను వదిలారు. ఇందులో రానా క్యారెక్టరైజేషన్ గురించి వివరించే

పవన్ కళ్యాణ్  రానా కాంబినేషన్‌లో రాబోతోన్న మళయాలి రీమేక్ భీమ్లా నాయక్ సినిమా మీదున్న అంచనాలు అందరికీ తెలిసిందే. జనవరి 12న కచ్చితంగా థియేటర్లోకి వస్తామని పదే పదే మేకర్లు చెబుతూనే ఉన్నారు. అయితే ఆర్ఆర్ఆర్, రాధే శ్యామ్ వంటి సినిమాలు బరిలోకి ఉన్నాయని, కాస్త సంక్రాంతి సీజన్ నుంచి తప్పుకోమని భీమ్లా నాయక్ నిర్మాతలపై ఒత్తిడి తీసుకొస్తున్నారట. కానీ భీమ్లా నాయక్ మాత్రం ఎట్టి పరిస్థితుల్లో వెనుకడుగు వేసేది లేదని తేల్చి చెప్పేశారట. అయితే తాజాగా మరోసారి ఆ విషయాన్ని స్వాగ్ ఆఫ్ డానియల్ శేఖర్ రూపంలో చెప్పేశారు.
నేడు (డిసెంబర్ 14) రానా బర్త్ డే. ఈ సందర్బంగా భీమ్లా నాయక్ నుంచి రానా పాత్రకు సంబంధించిన వీడియోను వదిలారు. ఇందులో రానా క్యారెక్టరైజేషన్ గురించి వివరించే ప్రయత్నం చేశారు. ‘వాడు అరిస్తే భయపడతానా.. ఆడికన్నా గట్టిగా అరవగలను.. ఎవడాడు.. దీనమ్మ దిగొచ్చాడా.. ఆఫ్ట్రాల్ ఎస్ ఐ.. సస్పెండెడ్’ అంటూ రానా రెచ్చిపోయాడు.

కానీ విజువల్‌గా మాత్రం ఇది భీమ్లా నాయక్ కారెక్టర్‌కు హైప్ ఇచ్చినట్టే అనిపించింది. రానా బర్త్ డే అయినా కూడా పవన్ కళ్యాణ్ హైలెట్ అయ్యేలానే వీడియోను వదిలారంటే.. సినిమా మొత్తం ఎలా ఉండబోతోందో అర్థం చేసుకోవచ్చు. అయ్యప్పనుమ్ కోషియుమ్ సినిమాలో చాలానే మార్పులు చేసినట్టు ఇట్టే అర్థమవుతోంది. ఇక ఈ చిత్రంలో రానా సరసన సంయుక్త మీనన్ నటిస్తుండగా.. పవన్ కళ్యాణ్ పక్కన నిత్య మీనన్ నటిస్తోంది.