ఎన్నికల్లో ఓటమి పాలైన తెలుగుదేశం పార్టీకే కాదు ఇప్పుడు జనసేనకు కూడా పార్టీ నుంచి వెళ్లిపోయే నేతల వార్తలు కంగుతినేలా చేస్తున్నాయి.. కేవలం రాజోలు మినహ మరెక్కడా జనసేన అసెంబ్లీ స్ధానాలు గెలుచుకోలేదు. ఇక టీడీపీ 23 స్ధానాలకు సరిపెట్టుకుంది. అయితే జనసేన నుంచి తాజాగా ఓ కీలక నాయకుడు పవన్ కల్యాణ్ ఎంతోనమ్మకం పెట్టుకున్న వ్యక్తి పార్టీకి గుడ్ బై చెప్పారు.

జనసేన పార్టీకి పదవికి చింతల పార్థసారధి రాజీనామా చేశారు. ఈ మేరకు రాజీనామా లేఖను అధినేత పవన్ కళ్యాణ్, పార్టీ కార్యాలయానికి పంపించారు. పార్థసారధి జనసేన పార్టీ గవర్నమెంట్ ప్రోగ్రామ్స్ మానిటరింగ్ ఛైర్మన్గా కీలక బాధ్యతలు నిర్వహిస్తున్నారు. పార్థసారధి రాజీనామా కారణాలు గురించి తెలియాల్సి ఉంది. అయితే పవన్ ఆయనపై నమ్మకంతో ఈ కీలక బాధ్యతలు అప్పగించారు. కాని ఆయన పార్టీలో ఉండలేకపోయారు.

ఇక ఆయన రాజకీయాలు చూస్తే ఈ ఎన్నికల్లో అనకాపల్లి ఎంపీ అభ్యర్దిగా జనసేన తరపున పోటీ చేశారు ..ఇక జనసేనలో పవన్ కల్యాణ్ కు ఎంతో కీలకమైన నేతగా పార్టీకి సలహలు ఇచ్చారు ..అందుకే పవన్ ఆయనకు . గవర్నమెంట్ ప్రోగ్రామ్స్ మానిటరింగ్ ఛైర్మన్గా పదవి ఇచ్చారు. అయితే రాజీనామా వెనుక కారణాలు తెలియాల్సి ఉంది. అయితే ఆయన వైసీపీలో చేరుతారు అని కొన్ని గంటల క్రితం వార్తలు వినిపించాయి, కాని ఆయన ఇప్పుడు బీజేపీలో చేరేందుకు సిద్దంగా ఉన్నారట.