Cinetollywood

రాహుల్ పై ఎమ్మెల్యే సోదరుడు బీరు సీసాలతో దాడి

bigg boss fame rahul attack prism pub

బిగ్బాస్-3 విజేత రాహుల్ సిప్లిగంజ్పై బీరుబాటిళ్లతో దాడి జరిగింది, దీంతో ఆయన అభిమానులు షాక్ అయ్యారు, ఎవరి జోలికి వెళ్లని రాహుల్ పై ఇలా దాడి జరగడం ఏమిటి అని అందరూ ఆశ్చర్యపోయారు, అయితే తాజాగా ఆయన తప్పు లేదని కావాలనే ఆయనపై దాడి జరిగింది అని అక్కడ కొందరు తెలుపుతున్నారు. ఆయనకు ప్రాణాపాయం లేదు కాని చికిత్స తీసుకుంటున్నారట.

రాత్రి 11:45 గంటల ప్రాంతంలో రాహుల్ తన స్నేహితులు, ఓ గాళ్ఫ్రెండ్తో కలిసి గచ్చిబౌలిలోని ఓ పబ్కు వెళ్లాడు. ఆ సమయంలో అక్కడున్న కొంతమంది యువకులు రాహుల్ వెంట వున్న యువతి పట్ల అసభ్యంగా ప్రవర్తించారు. రాహుల్ కలగజేసుకోవడంతో వాగ్వివాదం మొదలైంది. అది మరింత ముదరడంతో ఇరు వర్గాలు దాడులకు దిగాయి.

దీంతో అవతల వర్గం వారు రాహుల్ ని ముందు కొట్టారు తర్వాత పక్కన ఉన్న బీరు సీసాతో ఆయన తలపై కొట్టారు, దీంతో రాహుల్ కు తీవ్రంగా రక్తస్రావం అయింది, వెంటనే దగ్గర్లోని ఆస్పత్రికి తీసుకువెళ్లారు, ఈ సమాచారం తెలుసుకున్న పోలీసులు కేసు నమోదు చేశారు, అయితే రాహుల్ సిప్లిగంజ్పై దాడికి పాల్పడిన వారిలో వికారాబాద్ జిల్లాకు చెందిన ఓ ఎమ్మెల్యే సోదరుడు కూడా ఉన్నట్టు తెలుస్తోంది. దీనిపై పూర్తి వివరాలు చెప్పనున్నారు పోలీసులు.

Gallery

Cine Tollywood provides latest movie news, ploitical news, cinema entertainment news, latest tollywood trailers, videos, gossips and gallery in the state of Telangana, Andhra Pradesh and near by regions. Get all the latest movie updates and reviews on your favourite telugu movies. Also find more information on box office collections.