భారీ అంచనాల నడుమ డిసెంబర్ 17న ప్రేక్షకుల ముందుకొచ్చిన పుష్ప మూవీ బాక్సాఫీస్ వద్ద డీసెంట్ రన్ కొనసాగిస్తోంది. ఈ నాలుగు రోజుల్లో పుష్ప కలెక్షన్ వివరాలు మీ ముందుకు తెస్తున్నాం.

అల్లు అర్జున్- సుకుమార్ క్రేజీ కాంబోలో వచ్చిన పుష్పమూవీ భారీ అంచనాల నడుమ డిసెంబర్ 17న ప్రేక్షకుల ముందుకొచ్చింది. షూటింగ్ దశలో నుంచే భారీ హైప్ క్రియేట్ చేసుకుంటూ వచ్చిన ఈ సినిమాకు ఆశించిన దాన్ని మించిన ఓపెనింగ్స్ దక్కాయి. చిత్రంలో  అల్లు అర్జున్ మాస్ రోల్ చూసి ఫిదా అయ్యారు ఆడియన్స్. అయితే సుకుమార్ టేకింగ్, కథ నేరేట్ చేసే విషయంలో కాస్త మిశ్రమ స్పందన వచ్చినా తొలి మూడు రోజులు థియేటర్లలో హవా నడిపించాడు పుష్పరాజ్. అయితే నాలుగో రోజు (సోమవారం) సెలవు దినం కాకపోవడంతో కలెక్షన్స్ డ్రాప్ అయ్యాయి.

రెండు తెలుగు రాష్ట్రాల్లో కలిపి తొలి రోజుకు గాను 24.9 కోట్ల రూపాయలు వసూలు చేసిన పుష్పరాజ్.. రెండు రోజు 13.70 కోట్లు, మూడో రోజు 14.38 కోట్లు కొల్లగొట్టాడు. ఇక నాలుగో రోజుకు వచ్చే సరికి పుష్ప జోరు తగ్గింది. నాలుగో రోజుకు గాను 6.92 కోట్ల రుపాయల కలెక్షన్స్ వసూలయ్యాయి. మొత్తంగా చూస్తే ఈ నాలుగు రోజుల్లో కలిపి పుష్ప సినిమాకు 59.90 కోట్ల రూపాయల షేర్ రాగా.. 89.55 కోట్ల రూపాయల గ్రాస్ వసూలైంది.
సీడెడ్: 1.10 కోట్లు
ఉత్తరాంధ్ర: 75 లక్షలు
ఈస్ట్ గోదావరి: 44 లక్షలు
వెస్ట్ గోదావరి: 30 లక్షలు
గుంటూరు: 34 లక్షలు
కృష్ణా: 37 లక్షలు
నెల్లూరు: 26 లక్షలు
AP-TG టోటల్‌గా చూసుకుంటే నాలుగో రోజు 6.92 కోట్ల షేర్, 11.55 కోట్ల గ్రాస్ వసూళ్లు రాబట్టింది పుష్ప సినిమా. అదే ప్రపంచ వ్యాప్తంగా చూస్తే ఈ నాలుగు రోజుల్లో 94.44 కోట్ల షేర్,162 కోట్ల గ్రాస్ కలెక్షన్స్ వచ్చినట్లు రిపోర్ట్స్ చెబుతున్నాయి.